Wednesday, 19 September 2012

MAGHI KITO COGHITO TONTANG KOBAU LAK!

 
Kobau kek sawah Ponajih ko ni? Sorry gambar hiasan jo!

 
Wajah Bang Charip anak Wan Lamah. Foto oleh Zahriman Alias
 
Ni cerito maso sei kocik2......ado jiran sei, Bang Charip anak Wan Lamah n Tok Udo yang dopan rumah sei tu.Dio maso tu umor bolehan tahun. kojo eh tiap ari disuruh dek abah eh jago kobau. Hari2 tulah kojo eh. Bawak kobau poei baruh untuk bagi makan. Kobau ni kono dijago, kok tak abih padi orang moh diragut eh. Kek mano rumput banyak di situlah deh ikek kobau tu sampai potang kang.

Bilo potang poei amik balik kobau tu.Bawak poei sungai suruh dio minum dan mandi kali. Lopeh tu ditariklah kobau tu balik ke rumah, masuk dalam kandang....

Masalah eh, kobau-kobau ni, time balik kan men dogel. Kan men payah nak ditarik. Ini yang buek bang Charip bongeh sobab bang Charip nak copek-copek.  Kawan eh sumo nuggu, nak main lagi. Kobau asik tak ondak bojalan. Ghonti tekoncinglah deh, ghonti teberaklah deh......

Itu yang buek Bang Charip nyumpah-nyumpah. Celako kobau ni...!!! BINATANG BOTUL KOBAU NI......keteh. Kami duk golak bosa bilo dio cakap cam tu. Nukilan Zahriman Alias, 20 Sept 2012
Posted by at

2 comments:

  1. Anonymous19 September 2012 at 19:46

    Namo eh pun kobau, tokoncing tobeghak tu memng dah kojo eh apo laie kek tongah jalan nak balik kandang. Tompi kan, taik eh buek bajo, subur tanaman kito kan. Jadi ado yo jaso eh sampai ko taik-taik eh sokali. Hidop kobau!

    ReplyDelete
  2. Zahriman Alias19 September 2012 at 19:51

    Taik kobau pun ado cerito.....taik kobau dipanggil ponganan Nabi Seleman. Sapo ingat cerito tu....tolong sambong....

    ReplyDelete

Subscribe to: Post Comments (Atom)